- 656 -

1439. Febr. 5. Liegnitz.

Herzogin Elisabeth bekennt, der Stadt ihre Apotheke abgetreten zu haben mit dem Recht diese oder andere mehr aussetzen zu dürfen.

In gotis namen amen. Wir Elysabeth von gots genaden herczoginn in Slesien zcum Brige, zcu Lignicz vnd zcum Goltberge bekennen offenlichen mit diesem briue allen den, die en sehen, horen ader lesen, das wir durch sunderlicher dinste vnd wolgefallen, die vns vnser liebe getrawen burgermeister vnd ratmannen vnser stat Lignicz getrewlich gethan haben vnd nochmols thun vnd leysten mugen, von furstlicher macht vnd genaden mit gutem rate vnser eldisten manne vnd liben getrewen vor vns vnd all vnser nochkomen erbherren zcu Lignicz en vnd allen eren nochkomen burgermeister vnd ratmannen zcu Lignicz von der stat wegin vnd zcu der stat handen gegeben vnd abgetreten haben, geben vnd abetreten en vnser lehen vnd herschafft, dy wir denn gehabet haben vff vnd vber vnsere eynige appeteka zcu Lignicz, die vormols von vns zcu leen gegangen hot, also dassie dy furbaszmer alleyne ader andere mee dorczu ausseczen vnd vffrichten mugen, erblich vnd ewiglich von der stat wegen leyen vnd leenen sullen vnd mugen zcu leen ader zcu erbe vnd eygen, erblich ader zcu wedirkawff den, die en dorczu bekwemen vnd behagen mit aller sulcher herscheffte vnd freyheyt, wie yn das behagit vnd allerbeste zcu staten komen mag, von vns vnd allen vnsern nochkomen, erbherren zcu Lignicz vnd eyner yczlichen personen vngehindert. Incrafft disz brieffs, an den wir zcu bekentnisz vnser grost insigil mit dem signeth hinden doreyn gedruckt haben lossen hengen, der gegeben ist zcu Lignicz am donerstag vor Dorothee virginis, noch Cristi geburt tawsent vierhundert vnd dornoch im newn- vnddreyssigsten jore. Dobey sind gewest vnser liebe getrawen Heynrich Gebelczke, Michil Borwicz, Lewtter von Doberszwicz, Hannus Borwicz, Wenczil Rampke vnd Wilboldus Lynttner, dem dieser brieff zcu schreiben bepholen wart.

O. d. St. L. No. 365. Das Siegel mit dem Rücksiegel an Schnüren von rother Seide. — Bitschens Privüegb. f. CLXXVIII.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866